یوجینی بوشارڈ چائنا اوپن کے فائنل میں

ووہان۔ومبلڈن چمپئن پیٹراکو یٹووااور اوپن ٹینس ٹورنامنٹ کے فیصلہ کن معرکے میں ہفتے کو مدمقابل ہونگی۔ڈنمارک کی کیرولین وزنیاکی ٹائٹل کی دوڑ سے باہر ہوگئیں۔ا نگلینڈ کے نامور ٹینس اسٹار اور اولمپک چمپئن اینڈے مرے اپنی فتوحات کو برقرار رکھتے ہوئے شینزن اوپن ٹینس ٹورنامنٹ کے کوارٹر فارئنل میں پہنچ گئے۔چین میں جاری ٹینس ٹورنامنٹ کے سیمی فائنل میں جمہوریہ چیک کی پیٹراکویٹووا نے یوکرین کی الینا سویٹولیناکو سنسنی خیز مقابلے میں شکست سے دوچار کیا۔ پیٹر اکویٹووانے عمدہ کارکردگی کا مظاہرہ کرتے ہوئے الینا کیخلاف 3-6 اور5-7 سے کامیابی حاصل کرکے فائنل میں پہنچ گئیں۔دوسرے سیمی فائنل میں کینیڈا کی یوجینی بوشارڈ نے ڈنمارک کی کیرولین وزنیاکی کو سیمی فائنل میں شکست دے کر ٹائٹل کے دوڑ سے باہر کردیا۔ ان کی فتح کا اسکور 2-6 اور3-6 رہا۔شینزن اوپن ٹینس ٹورنامنٹ میں کھیلے گئے مینز سنگلز ایونٹ کے دوسرے رائونڈ میں انگلینڈ کے اینڈی مرے نے شاندار کار کردگی کا مظاہرہ کرتے ہوئے ہندوستان کے سوم دیو کو 3-6اور 6-3 سے شکست دیکر ایونٹ کے کوارٹر فائنل کیلئے کوالیفائی کرلیا۔ ٹومی روبرٹو نے شین ڑہن اوپن ٹینس میں اٹلی کے کھلاڑی اینڈریاس سیپی کو4-6، 7-6اور3-6سے شکست دے دی۔ دونوں کھلاڑیوں نے خوبصورت کھیل کا مظاہرہ کیا اور یہ اعصاب شکن مقابلہ 2گھنٹے اور36منٹ جاری رہا۔دوسرے کوارٹر فائنل میںسیکنڈڈ اینڈی مرے کا مقابلہ سلووکیہ کے لوکاس لیکو کے درمیان ہورہاہے جبکہ تیسرا کوارٹر فائنل سربیا کے وکٹر ٹروئسکی اورکولمبیا کے سینٹیاگو گیرالڈو کے درمیان ہو گا۔