یو ایس اوپن کے کوارٹر فائنل میں روجر فیڈرر کی فتح

نیویارک: ٹینس گرینڈ سلم یو ایس اوپن کے کوارٹر فائنل میں روجر فیڈرر نے فرانس کے رچرڈ گسکواں کو اسٹریٹ سیٹ میں شکست دے دی۔ سیمی فائنل میں سوئس ہم وطن روجر فیڈرر اور اسٹیزل ویورنکا آمنے سامنے ہوں گے۔ ویمنز سیمی فائنل میں سیمونے ہالیپ کا مقابلہ فلاویا پنیٹا سے ہوگا۔ نیوریارک میں جاری ٹینس گرینڈ سلم چھ بار کے چیمپئن سوئزر لینڈ کے روجر فیڈرر کی پیش قدمی جاری ہے۔ سیمی فائنل میں فیڈرر کا مقابلہ ہم وطن اسٹنزل ویو رنکا سے ہوگا۔ سترہ گرینڈ سلم ٹائٹل ہولڈر روجر فیڈرر نے کوارٹرفائنل میں فرانس کے رچرڈ گسکواں کو اسٹریٹ سیٹ میں شکست دے دی۔ فیڈرر نے صرف سات گیمز ڈراپ کر کے چھ تین، چھ تین اور چھ ایک سے فتح پائی۔ ویورنکا نے جنوبی افریقہ کے کیون اینڈرسن کو چھ چار، چھ چار اور چھ صفر سے زیر کر لیا۔ ویمنز کوارٹر فائنل میں اٹلی کی فلاویا پنیٹا نے ورلڈ نمبر پانچ جمہوریہ چیک کی پیٹرا کویٹووا کو چار چھ، چھ چار اور چھ دو سے اپ سیٹ شکست دے دی۔ سیمی فائنل میں اطالوی کھلاڑی عالمی نمبر دو رومانیہ کی سیمونے ہالیپ کا سامنا کریں گی۔ ہالیپ نے بیلا روس کی وکٹوریہ آزرنکا کے خلاف چھ تین، چار چھ اور چھ چار سے کامیابی حاصل کی۔