۲؍اسٹیٹس چھوڑنے کاعمران خان کو بھگتناپڑاخمیازہ

ممبئی(وارتا)بالی ووڈ اداکارعمران خان کو ۲؍اسٹیٹس میں کام نہ کرنے کا خمیازہ بھگتنا پڑرہاہے۔بالی ووڈ میں اس بات کاذکر ہے کہ ۲؍اسٹیٹس پہلے عمران خان کو آفرکی گئی تھی لیکن ان دنوں وہ وشال بھاردواج کی فلم مٹروکی بجلی کا منڈولا میں کام کررہے تھے۔بتایا جاتاہے کہ تاریخوںکی کمی کے سبب عمران خان نے ۲؍اسٹیٹس میں کام کرنے سے منع کردیا بعد میں ۲؍اسٹیٹس عمران خان کی جگہ ارجن کپور کو آفرکی گئی اس فلم میں ارجن کپور نے اپنی لاجواب اداکاری سے ناظرین کا دل جیت لیا۔ فلم اب تک ۹۰؍کروڑ روپئے سے زیادہ کی کمائی کرچکی ہے۔واضح رہے کہ چیتن بھگت کے مشہور ناول پربنی ۲؍اسٹیٹس ایسے دو لوگوں کی کہانی ہے جو الگ الگ ریاستوں میں رہتے ہیں اورایک دوسرے سے محبت کرنے لگتے ہیں۔ اس فلم میں ارجن کپور کے علاوہ عالیہ بھٹ ، امریتاسنگھ اورریوتی کابھی اہم کردارہے۔