ممبئی ، (ایجنسی)۔ بالی ووڈ میں سنجیدہ اداکاری کے لئے مشہور کنگنا راناوت کی فلم’کوئن‘ نے باکس آفس پر ۵۰کروڑ روپے سے زیادہ کی کمائی کر لی ہے کنگنا راناوت کی فلم
۷ مارچ کو ریلیز ہوئی تھی . اس فلم نے اپنے پہلے ہفتے میںہندوستانی مارکیٹ میں ۳
ء۱۸ کروڑ روپے کا بزنس کیا تھا . باکس آفس پر دستیاب اعداد و شمار کے مطابق’کوئن‘ نے اب تک۵۰کروڑ روپے سے زیادہ کی کمائی کر لی ہے . بتایا جاتا ہے کہ ’کوئن‘ محض ۱۲ کروڑ کے بجٹ میں بنائی گئی فلم ہے . قابل ذکر ہے کہ کنگنا راناوت نے کوئن’ میں ایک چھوٹے شہر کی رہنے والی ایک لڑکی رانی کا کردار ادا کیا ہے جو اپنے وجود کو تلاش کرنا چاہتی ہے . وکاس بہل کی ہدایت میں بنی فلم’کوئن‘میں کنگنا راناوت کے علاوہ راج کمار راؤ کااہم کردارہے۔ اس فلم کے لئے کنگنا نے ڈائیلاگ بھی لکھے ہیں ان سب کے درمیان کوئن نہ صرف باکس آفس پر کامیاب ہوئی ہے بلکہ امیتابھ بچن ، شاہ رخ خان ، عامر خان سمیت بالی وڈ کے کئی ستارے کنگنا کی اداکاری کے قائل ہو گئے ہیں ۔
