دو ہزار روپے کا نوٹ اب محض کاغذ کا ٹکڑا، پھر بھی سسٹم میں 10 ہزار کروڑ روپے موجود

آر بی آئی گورنر کا کہنا ہے کہ 2000 روپے کا نوٹ اب چلن میں نہیں ہے، حالانکہ 2000 روپے کے تقریباً 10 ہزار کروڑ روپے سسٹم میں موجود ہیں جسے جلد ہی واپس آنے کی امید ہے۔

ریزرو بینک آف انڈیا کے گورنر شکتی کانت داس نے جمعہ کے روز انکشاف کیا کہ 2000 روپے قدر کے نوٹ بڑی تعداد میں بینکوں میں واپس آ چکے ہیں، لیکن اب بھی 2000 روپے پر مشتمل 10 ہزار کروڑ روپے کے نوٹ سسٹم میں موجود ہیں۔ شکتی کانت داس نے اعتماد ظاہر کیا ہے کہ یہ نوٹ بھی جلد ہی واپس کر دیے جائیں گے یا واپس جمع کیے جائیں گے۔

What about long que for the exchange of 2000 Rs. Notes. Pls allow deposit in banks. Otherwise the credibility of RBI is under question . pic.twitter.com/22rlTngAIf

— Louis Vuitton parody (@HritikParody) October 21, 2023

آر بی آئی گورنر کا کہنا ہے کہ ’’2000 روپے کے نوٹ واپس آ رہے ہیں اور سسٹم میں صرف 10 ہزار کروڑ روپے ہی ایسے نوٹ بچے ہیں جو 2000 روپے کے نوٹ پر مشتمل ہیں۔ امید ہے کہ یہ رقم بھی واپس آ جائے گی۔‘‘ قابل ذکر ہے کہ اکتوبر ماہ کے شروع میں گورنر نے کہا تھا کہ واپس لیے جا رہے 2000 روپے کے نوٹوں میں سے 87 فیصد بینکوں میں جمع ہو چکے ہیں اور باقی کاؤنٹرس پر بدل دیے گئے ہیں۔ بینکوں یا کاؤنٹرس میں 2000 روپے کے نوٹوں کو جمع کرنے کی آخری تاریخ 7 اکتوبر تھی جو کہ ختم ہو چکی ہے۔ اب ان نوٹوں کو صرف آر بی آئی میں ہی بدلا جا سکتا ہے۔

https://www.sachkahoon.com/can-we-still-exchange-rs-2000-notes/