اسرائیلی راکٹ حملے میں 3 ہلاک: شامی فوج

دمشق، 21 مئی ؛ شام کے دارالحکومت دمشق کو نشانہ بنانے والے اسرائیلی راکٹ حملے میں کم از کم تین افراد ہلاک ہو گئے ہیں۔ تاہم زیادہ تر میزائلوں کو فضائی دفاعی نظام نے مار گرایا۔ یہ اطلاع شامی وزارت دفاع نے دی۔
شام میں حکومت کے حامی ٹی وی چینل الاخباریہ نے بتایا کہ شامی فضائی دفاع دمشق کے علاقے میں دشمن کے حملوں کا مقابلہ کر رہے ہیں۔ یہاں زور دار دھماکوں کی آوازیں سنی گئی ہیں۔

شام کی وزارت دفاع نے ایک بیان میں کہا، ’’جمعہ کو تقریباً 23.01 بجے (مقامی وقت)، اسرائیل نے دمشق کے جنوب میں بعض مقامات پر شام کے زیر قبضہ گولان سے زمین سے زمین پر مار کرنے والے میزائلوں سے حملہ کیا،‘‘ ۔شام کی وزارت دفاع نے ایک بیان میں کہا، ہمارے فضائی دفاعی نظام نے اس کا جواب دیا اور بیشتر میزائلوں کو مار گرایا۔ اس حملے میں تین افراد ہلاک اور کچھ بنیادی ڈھانچے کو نقصان پہنچا۔

شام کے شام ایف ایم ریڈیو نے مقامی حکام کے حوالے سے بتایا کہ دمشق کے نواحی علاقے میں سیدہ زینب پر راکٹ گرنے سے ایک شخص زخمی ہو گیا۔

شام ایف ایم کے مطابق، اس کے ساتھ ہی سیدہ زینب کے روضہ ہوٹل کے قریب ایک کھیت میں راکٹ کا ملبہ گرنے سے آگ بھڑک اٹھی، جس سے ایک شخص معمولی زخمی ہوا۔
اس سے قبل جمعہ کی شام، ایف ایم نے اطلاع دی تھی کہ دمشق کے بین الاقوامی ہوائی اڈے کے قریب آگ لگنے اور فضائی حملے کے بعد دو پروازیں معطل کر دی گئیں۔