بارہ بنکی میں سڑک حادثے میں 4 کی موت

بارہ بنکی : اترپردیش کے ضلع بارہ بنکی کے صفدر گنج علاقے میں بدھ کی صبح کنٹینر کی ٹکر سے کار سوار چار افراد کی موت ہوگئی۔

پولیس ذرائع نے بتایا کہ اجودھیا لکھنؤ قومی شاہراہ پر علی الصبح یہ حادثہ اس وقت پیش آیا جب اجودھیا سے لکھنؤ کی جانب جارہی ایک کار کے ڈرائیور کو جھپکی آگئی اور کار بے قابو ہوکر ڈیوائیڈر کو توڑتے ہوئے مخالف لین پر پہنچ گئی جہاں اجودھیا کی جانب سے آرہے کنٹینر سے ٹکرا گئی۔ حادثے میں کار سوار سمیت چار افراد کی موقع پر ہی مو ت ہوگئی۔

جبکہ کار میں لائی جانے والی پانچ بھیڑیں بھی مر گئیں۔ حادثے میں ہلاک ہونے والے تینوں افراد لکھنؤ کے حسین آباد کے رہنے والے ہیں۔ ان میں شبی حیدر ولد رئیس حیدر، عامر ولد ناصر رضا، انیس ولد نفیس خان شامل ہیں۔ جبکہ ایک کی شناخت نہیں ہو سکی ہے۔