50 ہزار کا انعامی نکسلی ایریا کمانڈر گرفتار

سمستی پو: بہار میں سمستی پور ضلع کے شہر تھانہ علاقے سے کل رات پولیس نے ممنوعہ تنظیم ہندوستان کی کمیونسٹ پارٹی (ماؤنواز) کے 50 ہزار روپے کے انعامی ایریا کمانڈر لال بابو سہنی عرف بھاشکر کو گرفتار کر لیا۔
پولیس ذرائع نے آج یہاں بتایا کہ موبائل سرویلانس کی بنیاد پر اسپیشل ٹاسک فورس (ایس ٹی ایف) کی ایک ٹیم نے کاشي پور محلہ واقع ایک ٹھکانے پر چھاپہ مار کر سی پی آئی ماؤنواز کے ایریا کمانڈر لال بابو سہنی عرف بھاشکر کو گرفتار کیا۔ ماؤنواز شیوہر ضلع کے تریاني تھانہ علاقے کے اورا ملکانہ گاؤں کا رہنے والا ہے جو کاشي پور میں نام بدل کر رہ رہا تھا۔
ذرائع نے بتایا کہ لال بابو سہنی عرف بھاشکر پر حکومت نے 50 ہزار روپے کا انعام کا اعلان کر رکھا تھا۔ بہار اور جھارکھنڈ کے کئی ماؤنواز معاملوں میں لال بابو سہنی شامل رہا ہے ۔ پولیس اس سے پوچھ گچھ کر رہی ہے ۔