ایرامیں690 ہیلتھ ورکرس نے لگوایاٹیکہ

لکھنؤ۔(بیورو)۔دوسرے سب سے بڑے کورونا ویکسی نیشن مرکز ایرازلکھنؤمیڈیکل کالج میں جمعرات کو کل 11بوتھوںپر ٹیکہ کاری کی گئی۔اس دوران کل 690 ہیلتھ ورکرس کو ٹیکہ لگایا گیا۔ کورونا ویکسین لگوانے والوںمیں خصوصی طور سے ایرایونیورسٹی کے پرو چانسلر میثم علی خاں ، ایڈیشنل ڈائریکٹر انتظامیہ زاعلی خاں، مائیکرو لوجی شعبہ کے سربراہ ڈاکٹرمستان

سنگھ،اینستھیسیا شعبہ کے ڈاکٹر سریندر سنگھ، کریٹیکل کیئریونٹ کے ایچ او ڈی مستحسن ملک ، ایڈیشنل میڈیکل سپرنٹنڈنٹ ڈاکٹر سدھارتھ چندیل ، ایناٹومی شعبہ کے ہیڈ ڈاکٹر پی کے شرما، پیڈیا سرجن ڈاکٹراے کے رائے، سرجری شعبہ کے ہیڈ ڈاکٹر عثمان موسیٰ، پیڈیاشعبہ کےسربراہ شریش بھٹناگر، نرسنگ شعبہ کی پرنسپل اندراوی، ایچ اے ڈاکٹرنوین سمیت بڑی تعداد میں فیکلٹی ممبر ،ایس آر اور جےآر ڈاکٹروں سمیت صحت ملازم شامل تھے۔ ویکسی نیشن پروگرام مرکزی حکومت کی جانب سے جاری گائیڈ لائن کےمطابق مقررہ وقت سے شروع کیاگیاتھا۔

اس موقع پر ایرا انتظامیہ کی جانب سے ویکسی نیشن کیلئے صحت ملازمین کی حوصلہ افزائی بھی کی گئی۔پوراایراانتظامیہ دنیا کی سب سے بڑی ٹیکہ کاری مہم میں لگارہا۔واضح رہےکہ ایرالکھنؤ میڈیکل کالج کو پرائیویٹ شعبہ میں سب سےبڑااور اوور آل دوسرا سب سےبڑاویکسی نیشن سینٹر بنایا گیا ہے، ایرامیں11 بوتھ قائم کئے گئے تھے۔ ایراسے زیادہ صرف 15 بو تھ کے جی ایم یو میں قائم کئے گئے تھے۔

کشش کامرکز رہا ایراکاسیلفی پوائنٹ
ایرازلکھنؤمیڈیکل کالج میں ’آئی ٹوک دی شاٹ بیکاز آئی کیئر‘ یعنی میں نے شاٹ لیاکیونکہ مجھے پرواہ ہے، تھیم پر جمعرات کو کوروناٹیکہ کاری مہم شروع کی گئی۔اسی تھیم پر دو سیلفی پوائنٹ بھی قائم کئے گئے تھے جو کشش کامرکزبناہواتھا۔ لوگوںکو ویکسین کے سلسلہ میں حوصلہ افزائی کرنے کیلئے یہ ایراکی انوکھی شروعات تھی۔ ٹیکہ لگوانے کے بعدصحت ملازمین نے سیلفی پوائنٹ پر اپنی اپنی فوٹوکھینچ کرسوشل میڈیاپر خوب شیئرکی۔ فوٹوکوکسی نے اپنے واٹس ایپ اسٹیٹس پر لگایاتوکسی نے فیس بک اور ٹوئٹرپر شیئرکی۔

…کیونکہ مجھے دوسروںکی پرواہ ہے:میثم علی خاں
لکھنؤ۔(بیورو)۔ایرازلکھنؤمیڈیکل کالج میںجمعرات کو ’آئی ٹوک دی شاٹ بیکاز آئی کیئر‘ یعنی میں نے شاٹ لیاکیونکہ مجھے پرواہ ہے، تھیم پر شروع ہوئے  کوروناویکسی نیشن پروگرام میں ایرایونیورسٹی کے پروچانسلر میثم علی خان نے بھی ٹیکہ لگوایا۔ ٹیکہ کاری کے بعدمیثم علی خان نےکہاکہ انہیں اپنے سے زیادہ لوگوںوسماج کی پرواہ ہے تاکہ صحتمند ہندوستان کاخواب شرمندہ تعبیرہوسکے۔انہوںنےکہاکہ ویکسین کورونا وائرس پر آخری حملہ ہے ۔ویکسین پوری طرح محفوظ ہے۔ ویکسین کے سلسلہ میں لوگوںکےاندر بیٹھی غلط فہمی کو دورکرنا ہم سب کی ذمہ داری ہے۔ اس سلسلہ میں اپنی باری پر انہوںنے ٹیکہ لگوانے کا فیصلہ کیا۔انہوںنےکہاکہ لوگوںکوافواہوںپر دھیان نہ دے کر عالمی وبا کوروناکے خاتمہ کی سمت میںسوچناچاہئے۔ انہوں نے ایراکے اسٹاف سمیت ریاست کےسبھی صحت ملازمین سےاپیل کی ہےکہ وہ دنیاکی سب سے بڑی ٹیکہ کاری مہم کا حصہ بنیں تاکہ مستقبل میں یہ مہم اور کامیاب بن سکے۔