امریکی دہشت گردی بے نقاب : مولانا سیف عباس‬

لکھنو ؛ 03جنوری 2020۔ خاندان اجتھاد کے نوجوان عالم دین مولانا سید سیف عباس نقوی نے جاری اپنے بیان میں کہا کہ امریکا کے ذریعہ جس دہشت گردی کا مظاہرہ ہواہے وہ انتہائی افسوسناک ہے ۔امریکا نے نصف شب میں بغداد ایئر پورٹ جاتے وقت قاسم سلیمانی کے قافلے پر حملہ کر کے ا ن مجا ہدوں کو شہید کر دیا جنہوں نے دنیا کی سب سے بڑی دہشت گرد تنظیم داعش(isis)کو ختم کرنے میں بہت اہم کر دار ادا کیا ہے ۔ قدس فوج کے سر براہ قاسم سلیمانی اور حشد الشعبی کے سربراہ ابو مہدی مھندس جیسے لو گوں نے داعش کو ختم کرنے میں اور دنیا کو دہشت گردی سے پاک کرنے میں اہم کر دار ادا کیا تھا ۔

امریکا کے ذریعہ قاسم سلیمانی اور ابو مہدی مھندس کو شہید کر نا نہایت افسوس ناک ہے اور دہشت گردی کو بڑھاوا دینا ہے ۔ آج دنیا کے سامنے امریکا کا چہر ہ بے نقاب ہو گیا وہ کس طریقہ سے دہشت گردی کی پشت پناہی کر رہا ہے اور تمام ممالک میں موجود دہشت گردوں کے حوصلہ بڑھا رہا ہے ۔

مولانا سید سیف عباس نقوی

اب دنیا کو سمجھ لینا چاہئے کہ دہشت گردی کے پس پشت کو ن ممالک ہیں جو امن پسند ممالک میں خلفشار پیدا کر کے اپنی ظالم با دشاہت کو مسلط کر نا چاہتے ہیں ۔
مولانا سیف عباس نقوی نے میڈیا میں شہید قاسم سلیمانی اورشہید ابو مہدی مہندس کے نام کے ساتھ جس طریقے سے الفاظ کیے وہ بھی افسوس ناک ہے کیونکہ کسی فوج کے کمانڈر شہید ہو تے ہیں ڈھیر نہیں ہو تے ہیں ۔