تہران کے امام خمینی ایئرپورٹ سے اڑان بھرنے والا یوکرینی مسافر طیارہ تکنیکی خرابی کے باعث گر کر تباہ ہوگیا جس کے نتیجے میں طیارے میں سوار تمام ایک سو 76 افراد ہلاک ہوگئے۔
یوکرینی وزیراعظم نے طیارے میں 176 افراد سوار ہونے کی تصدیق کی جس میں 167 مسافر اور عملے کے 9 اراکین شامل تھے ان افراد میں 147 افراد ایرانی جبکہ 32 مسافر غیر ملکی تھے۔
All 176 people aboard the Ukraine International Airlines Boeing 737 plane that crashed after takeoff in Tehran have died, Iranian state TV reports https://t.co/UKELsE2Gh3
— CNN Breaking News (@cnnbrk) January 8, 2020
امریکی خبررساں ادارے ایسوسی ایٹڈ پریس نے ایرانی عہدیدار کے حوالے سے بتایا کہ طیارہ ایرانی دارالحکومت کے باہر ذرعی زمین پر گر کر تباہ ہوا، امدادی کارکنان جائے وقوع سے لاشیں نکالنے کی کوشش کررہے ہیں‘۔
سول ایوی ایشن کے ترجمان رضا جعفرزادہ کے مطابق تحقیقاتی ٹیم نے جائے حادثہ کی تحقیقات کا آغاز کردیا ہے تاہم ایئرپورٹ حکام نے حادثے کو تکنیکی خرابی کا نتیجہ قرار دیا۔
Ukraine's Minister for Foreign Affairs confirms sad news that three Brits among the deadhttps://t.co/x47BkiqEMa
— Liverpool Echo (@LivEchonews) January 8, 2020
ایئر پورٹ کے فلائٹ دیٹا کے مطابق یوکرینین انٹرنیشنل ایئرلائنز کی پرواز 737-800 نے بدھ کے روز اڑان بھرنے کے تقریباً فوراً بعد ہی ڈیٹا بھیجنا بند کردیا تھا۔
ایران کے سرکاری خبررساں ادارے ارنا کے مطابق بدقسمت طیارہ تہران سے یوکرین کے دارالحکومت کیو جارہا تھا۔
واضح رہے کہ بوئنگ 737-800 2 انجن والا عام طیارہ ہے جو مختصر یا درمیانے فاصلے کی پروازوں کے لیےاستعمال ہوتا ہے، دنیا بھر کی ایئر لائنز 90 کی دہائی میں متعارف کروائے گئے اس طیارے کو ہزاروں کی تعداد میں استعمال کرتی ہیں۔
https://twitter.com/BreakingNews219/status/1214827692413128704?s=20
