لکھنؤ: بیس سال قبل آج ہی کے دن ۱۴؍جنوری ۲۰۰۰ کو ریاستی بجلی بورڈ کو تحلیل کرکے پانچ بجلی کمپنیاں بنیں۔ تحلیل کے وقت حکومت و مینجمنٹ نے دعویٰ کیا تھاکہ محکمہ کا ۷۷کروڑ روپئے کا خسارہ ختم ہوجائے گا لیکن ایسا نہیں ہوا۔
بجلی کمپنیوںکا خسارہ بیس سال میں ۷۷کروڑ سے ۸۷ہزار کروڑ پہنچا
خسارہ بڑھ کر ۸۷ہزار کروڑروپئے تک پہنچ گیا۔ صارفین کونسل نے تحلیل کے وقت ہی یہ کہا تھا کہ حکومت کوئی جواب دہی طے کرے لیکن نظرانداز کرنے کا نتیجہ ہے کہ خسارہ سال در سال بڑھتا جارہا ہے۔
تحلیل کے وقت بڑے بڑے دعوےہوئے کہ بندوبست میں سدھار ہوگا لیکن ایسا ہونہیں سکا۔ اُدے اسکیم میں کمپنیوں نے تسلیم کیا کہ اب ان کا کل خسارہ تقریباً ۷۰ہزار ۷۳۸ کروڑ ہے اور وہیں پاور فار آل میں مانا کہ سال ۱۶-۲۰۱۵ تک بجلی کمپنیوںکا خسارہ تقریباً ۷۲ہزار ۷۷۰ کروڑ ہے۔ موجودہ وقت میں یہ ۸۷ہزار کروڑ روپئے کے اوپرہوگا۔ سوال پیدا ہوتا ہے کہ اصلاح کے دعوے کے بعد بھی خسارہ کیوں بڑھتا گیا؟ ۔
اس لئے تحلیل کرنے والے سبھی فریقین سے معاہدہ کیا جائے اور تحلیل ناکام ہونے پر ان کی جواب دہی طے کی جائے۔ ناکام ہونے پر سبھی کے خلاف سخت کارروائی ہو۔ ورما نے کہاکہ اگر اس وقت جواب دہی طے کردی جاتی تو شاید محکمہ کا خسارہ آج ۸۷ہزار کروڑ نہ ہوتا۔ خسارہ کا حوالہ دے کر بجلی کمپنیاں ہر سال صارفین کی شرحوںمیں اضافہ کردیتی ہیں جو صارفین کے مفاد میں نہیں ہے۔
About the author
