ممبئی ۔21فروری (یواین این )بالی ووڈ کی بار بی گرل کترینہ کیف اور سپر سٹار ریتک روشن میں قربتیں بڑھنے لگی ہیں۔بھارتی میڈیا میں دونوں سپر سٹارز کی تصاویر شائع ہوئی ہیں جن میں وہ ایک دوسرے کے کافی قریب لگ رہے ہیں۔یوں لگتا ہے کہ رنبیر اور سوزانے کی بے وفائی نے کترینہ اور ریتک کوایک دوسرے کے قریب کردیا ہے۔دونوں دل جلے سٹارز آج کل بینگ بینگ کی شوٹنگ میں مصروف ہیں اور اس دوران انکا کافی وقت ایک ساتھ گزر رہا ہے۔دوسری جانب ممبئی میں ایک تقریب سے خطاب کرتے ہوئے کترینہ کیف نے کہا ہے کہ خواتین کو اپنی خوبصورتی کے بجائے اپنی شناخت قائم کرنے پر توجہ دینی چاہیے۔ کترینہ کیف نے کہاکہ خوبصورتی کیلئے جسمانی بناوٹ کے علاوہ بھی بہت سی باتیں ہوتی ہیں۔ اداکاراؤں کیلئے میڈیا کے سامنے آنا اور شوٹنگ کرنا مشکل کام ہوتا ہے لیکن انہیں اس کیلئے ہمیشہ تیار رہنا ہوتا ہے۔کترینہ کیف کی ابھی حال ہی میں فلم دھوم تھری ریلیز ہوئی ،جس نے کامیابی کے نئے ریکارڈ قائم کئے تھے۔ کترینہ کیف کی آنے والی فلموں میں فینٹم اور بینگ بینگ اہم ہیں۔
