دبئی ۔21فروری(یو این این) انڈر 19 ورلڈ کپ کا کوارٹر فائنل مرحلہ (آج) ہفتہ سے شروع ہوگا۔ اس سلسلے میں پاکستان اور سری لنکا کی ٹیمیں آئی سی سی انڈر 19 کرکٹ ورلڈ کپ کے کوارٹر فائنل میں (آج) ہفتہ کو پنجہ آزما ہونگی۔ تفصیلات کے مطابق آئی سی سی انڈر 19 کرکٹ ورلڈ کپ کے (آج)ہفتہ کو کھیلے جانے والے پہلے کوارٹر فائنل میں انگلینڈ کی ٹیم ہندوستان کے مدمقابل ہو گی جبکہ اسی روز دوسرا کوارٹر فائنل پاکستان
اور سری لنکا کے درمیان کھیلا جائے گا۔ اور ایونٹ میں (کل) اتوار کو شیڈول پہلے کوارٹر فائنل میں افغانستان کی ٹیم جنوبی افریقہ کے جبکہ آسٹریلوی ٹیم ویسٹ انڈیز کے مدمقابل ہو گی۔ لیگ مقابلوں کے بعد پاکستان سمیت ہندوستان، آسٹریلیا، ویسٹ انڈیز، انگلینڈ، افغانستان، سری لنکا اور جنوبی افریقہ کی ٹیمیں عمدہ کارکردگی کی بدولت لاسٹ فور میں پہنچی تھیں۔ متحدہ عرب امارات میں جاری میگا ایونٹ کا پہلا سیمی فائنل 24 اور دوسرا 26 فروری کو کھیلا جائے گا جبکہ عالمی چیمپئن کا فیصلہ یکم مارچ کو فائنل میں ہو گا۔
 شروع ہوگا،پاکستان کا مقابلہ سری لنکا سے ہو گا){kind=link}