کانپور: محمدعلی پارک میں خواتین کا سی اے اے مخالف دھرنا ٢١ ویں دن بھی جاری رہا

کانپور:۔ شہریت ترمیمی قانون (سی اے اے )کے خلاف چمن گنج واقع محمدی علی پارک میں ۱۴ویں دن ’شاہین باغ‘کی طرزپرخواتین نے مظاہرہ کرکے اس سیاہ قانون کی مخالفت کی۔اسی طرح اجیت گنج ،بابوپورواکے تکونیاپارک میں خواتین نے دھرنا دیا۔

جیسے جیسے مخالفت دنوں دن بڑھ رہی ہے ۔ویسے ہی خواتین بھی بیدار ہوگئی ہیں۔خواتین نے مرکزی حکومت اور ریاستی حکومت کے تئیں سخت ناراضگی دکھائی۔ہندو،مسلم، سکھ ،عیسائی- آپس میں سب بھائی بھائی،ہندوستان زندہ باد، انقلاب زندہ بادوغیرہ کے نعرے لگے۔

ایک خاتون نے کہاکہ ایک مسلم رہنماجو ۱۰سال قبل کانپورسے میئر کاانتخاب لڑے تھے ، جن پر مسلمانوں نے بھروسہ کرکے کثیر تعدادمیں ووٹ دیا،حالانکہ وہ جیت نہ پائے ،لیکن شہر میں لوگ انہیں پہچاننے لگے،آج وہی رہنما بی جے پی کی گودمیں بیٹھ کر مسلمانوں سے میٹنگ کرکے شہریت ترمیمی قانون کی حمایت کررہے ہیں۔

میں اس نیتاسے کہنا چاہتی ہوں کہ تمہارا ضمیر مرچکا ہے،یہ بی جے پی والے ایک دن تمہیں بھی باہر کردیں گے ،اس دن تم کہیں کے نہیں رہوگے، یہ قانون کے خلاف ہندو،مسلم ،سکھ ،عیسائی سب لوگ سمجھ چکے ہیں،یہ تمہارے بہکاوے میں نہیں آئیں گے چاہے جتناسمجھالو،کیونکہ یہ لڑائی آئین کے خلاف ہے۔

ایک اور خاتون نے کہاکہ آپ لوگ جس طرح سے یہاں آئیں یہ بہت ضروری ہے ،یہ لڑائی صرف ہندو،مسلم ،سکھ،عیسائی کی نہیں بلکہ پورے ملک کے باشندوں کی ہے۔یہ ظلم ملک کی عوام کے ساتھ ہورہاہے۔یہ دھرنا تب تک جاری رہے گا تب تک یہ قانون واپس نہیں ہوگا۔دھرنے میں خواتین نے اپنے خیالات کااظہار کیا۔