ممبئی، ؛ بالی وڈ کے مشہور اداکار دھرمیندر ویلنٹائن ڈے پر ’ہی مین‘ ریستوراں کھول رہے ہیں۔دھرمیندر سوشل میڈیا پر بہت سرگرم رہتے ہیں وہ اپنے شائقین کے ساتھ پرسنل اور پروفیشنل باتیں شیئر کرتے رہتے ہیں۔انہوں نے اپنے پرستاروں کے ساتھ ایک خبر شیئر کی ہے کہ وہ ویلنٹائن ڈے کے موقع پر ’ہی مین‘ نامی ایک نیا ریستواں کھول رہے ہیں۔
دھرمیندر نے انسٹاگرام پر اپنے اس نئے ریستواں کی تفصیلات دی ہیں۔
دھرم‘ ڈھابہ کے بعد دھرمیندر کا یہ دوسرا ریستوراں ہے جسے کرنال ہائی وے پر کھولیں گے۔دھرمیندر نے بتایا کہ اس ریستوراں کا آغاز 14 فروری یعنی ویلنٹائن ڈے کے دن صبح ساڑھے دس بجے کیا جائے گا۔
کہا جارہا ہے کہ دھرمیندر کے اس ریستوراں کی یہ خصوصیت ہوگی کہ کھیتوں سے راست سامان کھانے کی میزوں پر آئے گا۔
