عورتوںکو خواندہ بنانا چاہتی ہیں مادھوری

ممبئی (وارتا)بالی ووڈ کی دھک دھک گرل مادھوری دکشت کا کہنا ہے کہ وہ عورتوںکو خواندہ بناناچاہتے ہیں تاکہ وہ اپنے حقوق کیلئے جدوجہد کرسکیں اس کیلئے میرے پاس منصوبے ہیں لیکن میں نے انھیں ابھی شروع نہیں کیا ہے جب ہم ان منصوبوںکو شروع کریں تو اس بارے میں بتائیں گے حالانکہ میں کچھ چیزوںکو اپنی آن لائن ڈانس اکیڈمی کے ذریعہ شروع کرچکی ہوں اپنی آنے والی فلم گلاب گینگ میں مادھوری نے ایک ایسی عورت کا کرداراداکیا ہے جو عورتوں پر ہورہے مظالم کے خلاف ہے۔ کہا جار ہاہے کہ یہ فلم اترپردیش کی سماجی کارکن سمپت لال دیوی اوران کی تنظیم گلابی گینگ پر مبنی ہے۔ مادھوری نے کہا کہ عورتوںکو تعلیم یافتہ ہونا چاہئے ۔ مرودوں کو بھی عورتوں کا احترام کرنے کی تعلیم ملنا چاہئے۔ کئی بار مردعورتوںکوایک استعمال کرنے کی چیز کی طرح ہی دیکھتے ہیں۔ واضح رہے کہ گلاب گینگ میں مادھوری دکشت کے علاوہ جوہی چائولہ کابھی اہم کردار ہے یہ پہلا موقع ہے کہ جب مادھوری اورجوہی کسی فلم میں ایک ساتھ نظرآئیں گی۔یہ فلم ۷مارچ کو ریلیز ہوگی۔وہیں مادھوری دکشت کا کہنا ہے کہ آج بھی شاہ رخ خان اورسلمان خان فلم میں کام کے سلسلے میں جنونی ہیں مادھوری نے شاہ رخ خان کے ساتھ جہاں انجام ،کوئلہ ، دیوداس اوردل تو پاگل ہے میں کام کیا ہے وہیں سلمان خان کے ساتھ ان کی جوڑی ہم آپ کے ہیں کون ، دل تیرا عاشق اورساجن جیسی فلموںمیں پسند کی گئی ہے۔ مادھوری نے ابھی حال ہی میں شاہ رخ خان کے ساتھ ملیشیا میں ٹیمپٹیشن ریلوڈیڈ ٹور میںحصہ لیا تھا۔ مادھوری نے کہا کہ شاہ رخ کے ساتھ کام کرنا مجھے ہمیشہ ہی اچھالگتا ہے۔ شاہ رخ کو ابھی حال ہی میں چوٹ لگ گئی تھی لیکن تب بھی ان میں کام کے سلسلے میں کافی جنون ہے میں نہیں جانتی آخر ان میں اتنی توانائی کہاںسے آتی ہے۔ سلمان کی میں نے ہم آپ کے ہیں کون ، انداز اپنااپنا اورساجن دیکھی لیکن تب اوراب کے سلمان میں کافی فرق آگیا ہے۔ مادھوری دکشت نے کہا کہ سلمان پہلے صرف ڈانس کرلیتے تھے لیکن آج انھوں نے اپنی اسٹائل بنائی ہے اگرمجھے موقع ملتا ہے تو سلمان کے ساتھ مسالہ ، تفریحی فلم میں کام کرناچاہوں گی۔ مجھے دیپکا اورکٹرینہ کیف کافی پسند ہیں۔پرینکا اورانوشکا بھی اچھا کام کررہی ہیں۔