لکھنؤ۔(نامہ نگار)کل ہند کانگریس کمیٹی کی صدر سونیا گاندھی اپنے پارلیمانی حلقے رائے بریلی دو روزہ دورے پر ۲۴ فروری کو رائے بریلی آرہی ہیں۔ مذکورہ اطلاع دیتے ہوئے اترپردیش کمیٹی کے نائب صدر وچیئر مین ٹیلی مواصلات سیل کے چیئر مین ستیہ دیو ترپاٹھی وسابق وزیرنے بتایا کہ مسز گاندھی اپنے دورے کے پہلے دن ۲۴فروری کو شام ساڑھے پانچ سے ساڑھے سات بجے تک بھوئی مؤگیسٹ ہاؤس میں رائے بریلی پارلیمانی حلقے سابق ارکان اسمبلی ، پی سی سی اراکین ،ضلع وشہر کانگریس کمیٹی وذیلی تنظیم کے عہدیداران کاجلسہ منعقد کریں گی۔مسٹر ترپاٹھی نے بتایا کہ مسز گاندھی اپنے دور کے دوسرے دن ۲۵ فروری کو بھوئی مؤ گیسٹ ہاؤس میں عوام سے ملاقات کریں گی۔ اور ساڑھے گیارہ بجے سے علاقہ کا دورہ کریں گی۔
