سعودی حکام نے غیرملکیوں کو واپس وطن بھیجنے کا فیصلہ کرلیا

ذرائع کا کہنا ہے کہ سعودی حکام نے غیرملکی محنت کشوں کو واپس وطن بھیجنے کا فیصلہ کرلیا ہے۔ خبررساں ادارے نے عالمی ذرائع کے حوالے سے خبر دی ہے کہ سعودی عرب نے ملک میں پھنسے غیرملکیوں کو واپس وطن بھیجنے کی تیاری شروع کردی، سعودی ایوی ایشن نے فری پروازوں کیلئے پی آئی اے کو بھی ایڈوائزری جاری کردی۔

سعودی ایوی ایشن کی جانب سے جاری کی گئی ایڈوائزری میں کہا گیا ہے کہ جو بھی پروازیں سعودی عرب آئیں گی وہ کورونا کے حفاظتی اقدامات یقینی بنائیں گی، مسافروں کے لیے طیارے میں بیٹھنے سے قبل میڈیکل ریلیز فارم جمع کرانا لازمی ہوگا۔

کسی مسافر کو بخار یا کھانسی ہوئی تو وہ جہاز میں سوار نہیں ہوسکے گا، جہاز میں تمام مسافروں کے پاس ماسک، گلوز، تھرما میٹر اور سینی ٹائزر لازمی ہونا چاہیے۔

جہاز میں دو مسافروں کے درمیان ایک نشست خالی چھوڑی جائے گی، جہاز کا عملہ مکمل کورونا کٹس گلوز اور ماسک کا استعمال یقینی بنائے گا۔