رانچی ۔اس سال مئی میں ہونے والے ہاکی ورلڈ کپ مقابلے سے پہلے ہندوستانی ہاکی ٹیم ورلڈ کپ کی تیاری کے لئے میزبان ملک ہالینڈ کا دورہ کرے گی۔ یہ دورہ 11 سے 19 اپریل تک ہوگا جہاں میزبان ہالینڈ، بیلجیم ، جرمنی کے ساتھ – ساتھ ایک یا دو مقامی کلب کی ٹیمیں کھیلی سکتی ہیں۔ ہندوستانی ہاکی کے ہائی پرفارمنس ڈائریکٹر رولیٹ اولٹمیس نے کہا کہ ہندوستان نو روزہ دورے پر پانچ سے چھ میچ کھیلے گا۔ اس مقابلے کو ذہن میں رکھتے ہوئے ہندوستانی ہاکی مینیجر نے اپوہ میں ہونے
وا لے اذلان شاہ کپ میں ٹیم کو نہ بھیجنے کا فیصلہ کیا ہے۔ اولٹمیس نے کہا ، ہم نے جان بوجھ کراذلان شاہ کپ نہیں کھیلا اور یورپ کے دورے پر جانے کا فیصلہ کیا تاکہ ورلڈ کپ سے پہلے کھلاڑیوں کو وہاں کا تجربہ مل سکے۔ انہوں نے کہا ، اس کے لیے ہیگ سے بہتر جگہ نہیں ہو سکتی تھی جہاں ورلڈ کپ کھیلا جانا ہے۔ ہم 11 سے 19 اپریل تک ہیگ کا دورہ کریں گے ۔ورلڈ کپ 31 مئی سے 15 جون تک ہیگ میں کھیلا جانا ہے۔
