نیویارک میں کورونا وائرس سے اب تک 14،347 افراد ہلاک

واشنگٹن،21 اپریل (اسپوتنک)کورونا وائرس سے سب سے زیادہ متاثرامریکی شہر نیو یارک میں اس وائرس کی زد میں آنے سے اب تک 14،347 افراد ہلاک ہو چکے ہیں۔

نیویارک محکمہ صحت نے پیرکو بتایا کہ نیویارک اسٹیٹ میں ابھی تک 247،512 لوگ متاثرہوچکے ہیں جبکہ نیو یارک شہر میں یہ اعداد وشمار136،806 کا ہے۔

اس سے پہلے نیویارک کے گورنراینڈریوكواومونے بتایا کہ اتوار کو نیویارک میں 478 متاثرین کی موت ہوئی ہے جبکہ ہفتہ کو 507 لوگوں نے دم توڑدیا تھا۔

جان ہاپکنز یونیورسٹی کے مطابق امریکہ میں اب تک 766،000 لوگ کورونا وائرس سے متاثر ہو چکے ہیں جبکہ چالیس ہزار سے زائد افراد کی جان جا چکی ہے۔