کورونا بے لگام، لاکھوں گھروں کے چراغ گل کردئے

عالمی وبا کورونا وائرس کے دن بدن بڑھتے قہر کے درمیان کورونا متاثرین کی تعداد 41 لاکھ سے تجاوز کر گئی ہے۔

امریکا اب تک کورونا وائرس سے سب سے زیادہ متاثرہ ملک ہے جہاں کورونا وائرس سے اب تک 80 ہزار 37 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 13 لاکھ 47 ہزار 309 ہو گئی ہے۔

امریکا کے اسپتالوں میں 10 لاکھ 29 ہزار 194 کورونا مریض زیرِ علاج ہیں جن میں سے 16 ہزار 816 کی حالت تشویش ناک ہے ۔

برطانیہ میں کورونا سے اموات کی تعداد 31 ہزار 587 ہو گئی ہے جبکہ کورونا کے کیسز کی تعداد 2 لاکھ 15 ہزار 260 تک جا پہونچی ہے۔

اٹلی میں کورونا وائرس کی وباء سے مجموعی اموات 30 ہزار 395 ہو چکی ہیں جبکہ اب تک کورونا کے کل کیسز 2 لاکھ 18 ہزار 268 رپورٹ ہوئے ہیں۔

اسپین میں کورونا کے اب تک 2 لاکھ 62 ہزار 783 مصدقہ متاثرین سامنے آئے ہیں جب کہ اس وباء سے اموات 26 ہزار 478 ہو چکی ہیں۔

فرانس میں کورونا وائرس کے باعث مجموعی ہلاکتیں 26 ہزار 310 ہوگئیں جبکہ کورونا کیسز 1 لاکھ 76 ہزار 658 بتائے گئے ہیں۔

جرمنی میں کورونا سے کُل اموات کی تعداد 7 ہزار 549 ہو گئی جبکہ کورونا کے 1 لاکھ 71 ہزار 324 کیسز رکارڈ کئے گئے ہیں۔

برازیل میں کورونا وائرس 10 ہزار 656 زندگیاں نگل چکا ہے جبکہ اس کے مریضوں کی تعداد 1 لاکھ 56 ہزار 61 تک جا پہنچی ہے۔

ایران میں کورونا وائرس میں اب تک ایک لاکھ 6 ہزار 220 افراد مبتلا ہوئے جن میں سے اب تک 85 ہزار64 افراد صحت یاب ہوئے اور 6 ہزار 589 افراد کو اپنی جان سے ہاتھ دھونا پڑا۔

ترکی میں کورونا وائرس سے جاں بحق ہونے والوں کی تعداد 3 ہزار 739 ہو گئی جبکہ کورونا کے کل 1 لاکھ 37 ہزار 115 کیسز سامنے آ چکے ہیں۔

سعودی عرب میں کورونا وائرس سے اب تک کل اموات 239 رپورٹ ہوئی ہیں جبکہ اس کے مریضوں کی تعداد 37 ہزار 136 تک جا پہنچی ہے۔

کورونا وائرس سے روس میں کل اموات 1 ہزار 827 ہیں جبکہ اس کے مریضوں کی تعداد 1 لاکھ 98 ہزار 676 ہو چکی ہے۔

چین جہاں دنیا میں کورونا کا پہلا کیس سامنے آیا تھا وہاں کورونا وائرس کے مریضوں کی تعداد 82 ہزار 901 اور اس سے اموات 4 ہزار 633 ہوگئی ہیں۔

واضح رہے کہ دنیا بھر میں کورونا وائرس سے متاثرہ افراد کی تعداد 41 لاکھ 1 ہزار 775 ہو چکی ہے جبکہ اس سے ہلاکتیں 2 لاکھ 80 ہزار 443 ہو چکی ہیں۔

کورونا وائرس کے دنیا بھر میں 23 لاکھ 79 ہزار 541 مریض اب بھی اسپتالوں میں زیرِ علاج ہیں، جن میں سے 47 ہزار 683 کی حالت تشویش ناک ہے جبکہ 14 لاکھ 41 ہزار 791 مریض صحت یاب ہو کر گھروں کو لوٹ چکے ہیں۔