سٹی اسٹیشن کے نزدیک ریلوے کراسنگ پر بنے گا اور برج

جون پور، 26 فروری (یواین آئی) اترپردیش کے جون پور ضلع میں سٹی اسٹیشن کے نزدیک جون پور ، مرزاپور روڈ پر “اوربرج” بنانے کی منظوری مل گئی ہے۔برج کارپوریشن کے ڈپٹی پلانٹ منیجر آر کے ترپاٹھی نے آج یہاں بتایا کہ سٹی اسٹیشن کے پاس اس مجوزہ اور برج کی تعمیر کے لئے 49 کروڑروپئے کے خرچ ہونے کا تخمینہ لگایا گیا ہے۔ مسٹر ترپاٹھی نے مزید بتایا کہ برج کی تعمیر کے لئے مرکزی اور ریاستی حکومت کے ساتھ ساتھ ریلوے انتظامیہ کی بھی منظوری مل چکی ہے۔انہوں نے مزید کہا کہ پروجیکٹ کے لئے 17 کروڑ روپئے محکمہ تعمیرات اور تقریباً 8 کروڑ روپئے ریلوے مہیا کرائے گی۔