سمندری طوفان امفان سے متاثر بنگال کو 1000، اڈیشہ کو 500 کروڑ روپے کی مدد

کولکتہ / بھونیشور، 22 مئی (یواین آئی) وزیر اعظم نریندر مودی نے جمعہ کے روز سمندری طوفان ‘امفان’ سے متاثرہ مغربی بنگال اور اڈیشہ کا فضائی جائزہ لینے کے بعد ان ریاستوں کو بالترتیب 1000 اور اڈیشہ کو 500 کروڑ روپے کی امداد دینے کا اعلان کیا۔

مسٹر مودی نے صبح بنگال اور اڈیشہ میں سمندری طوفان امفان سے متاثرہ علاقوں کا فضائی جائزہ لینے کے بعد میڈیا کو یہ اطلاع دی۔ ان کے ہمراہ مرکزی وزیر دھرمیندر پردھان، وزیر مملکت بابل سپریو، وزیر مملکت پرتاب چندسارنگی اور محترمہ دیبا سری چودھری بھی گئی ہیں۔

مغربی بنگال کے گورنر جگدیپ دھنکھرنڈ، مغربی بنگال کی وزیراعلیٰ محترمہ ممتا بنرجی کے ساتھ وزیراعظم نے مغربی بنگال کے سمندری طوفان سے متاثرہ اضلاع کا فضائی جائزہ لیا۔

انہوں نے کہا کہ بنگال میں امفان طوفان سے ہوئے نقصان کے لئے مرکزی حکومت فوری طور پر ایک ہزار کروڑ روپئے کی مالی امداد فراہم کرے اور امفان سے متاثرہ اڈیشہ کو پیشگی مدد کے طور پر فوری طور پر 500 کروڑ روپے دیے جائیں گے۔

بعدازاں وزیراعظم نے ریاستی اور مرکزی حکومتوں کے تمام تر سیینئر افسران کی ایک میٹنگ کی صدارت کی تاکہ مغربی بنگال میں انجام دیئے جا رہے راحت کاری اور بازآبادکاری اقدامات پر نظرثانی کی جا سکے۔ انہوں نے ریاست بنگال کو فوری راحتی سرگرمیوں کے لئے ایک ہزار کروڑروپے کی مالی امداد فراہم کرنے کا اعلان کیا۔

ریاست کی جانب سے امداد سے متعلق عرضداشت حاصل کرنے کے بعد مرکزی حکومت ایک بین وزارتی ٹیم تعینات کرے گی، جو اس ریاست کا دورہ کر کے ریاست میں لاحق ہوئے خسارے کا اندازہ لگائے گی اور اسی بنیاد پر مزید امداد فراہم کی جائے گی۔

وزیراعظم نے مغربی بنگال کے عوام کے ساتھ اپنی مکمل یکجہتی کا اظہار کیااور ان کنبوں کے تئیں اپنی تعزیت کا اظہار کیا، جنہوں نے اس قدرتی آفت کے دوران اپنے اراکین کنبہ کی جانوں سے ہاتھ دھویا ہے۔

انہوں نے مہلوکین کے قریبی وارث کے لئے 2 لاکھ روپے اور ریاست میں آئے سمندری طوفان میں شدیدطور پر زخمی ہوئے افراد کےلئے 50000روپے کی یکمشت امداد کا اعلان بھی کیا ہے۔
وزیراعظم نے ریاست کے عوام کو یقین دلایا ہے کہ مرکزی حکومت مشکل کی اس گھڑی میں ریاستی حکومت کے ساتھ قریبی تال میل بنا کر کام کرے گی اور متاثرہ علاقوں میں بنیادی ڈھانچے کی بحالی اور تعمیر نو کے لئے تمام تر ممکنہ امداد فراہم کرے گی۔ وزیراعظم کا ریاست مغربی بنگال کا اس سال کے دوران یہ دوسرا دورہ تھا، جو اترپردیش کے بعد دوسری ریاست ہے، جہاں اس سال وہ کئی مرتبہ جا چکے ہیں۔
وزیراعظم نے اس سے قبل اسی سال 11-12جنوری کومغربی بنگال کا دورہ کیاتھا، جہاں انہوں نے کولکاتہ پورٹ ٹرسٹ کی 150ویں سالگرہ تقریبات میں شرکت کی تھی اور قوم کے نام کولکاتہ میں 4مرمت شدہ ورثہ عمارتوں کو وقف کیاتھا اور بیلو رمٹھ کا بھی دورہ کیا تھا۔