ہندوستان-چین سرحد پر جھڑپ ،ایک افسر اور دو جوان شہید

نئی دہلی،16جون(یواین آئی)ہندوستان اور چین سرحد پر مشرقی لداخ میں پچھلے ایک مہینے سے بھی زیادہ وقت سے چلے آرہے تعطل کے درمیان پیر کی رات دونوں ملکوں کے فوجیوں کے درمیان پیگانگ جھیل علاقے میں تشدد جھڑپ ہوئی جس میں فوج کے ایک افسر اور دو جوان شہید ہوگئے۔

فوج نے آج جاری ایک بیان میں کہا ہے کہ دونوں افواج کے جوانوں کے اپنی اپنی جگہوں سے پیچھے ہٹنے کے عمل کے تحت یہ جھڑپ پیر کی رات پیگانگ جھیل علاقے میں ہوئی جس میں فوج کے ایک افسر اور دو جوان شہید ہوگئے۔
دریں اثنا ہند چین سرحد پر مشرقی لداخ علاقہ میں دونوں افواج کے جوانوں کے درمیان پرتشدد جھڑپ کے پیش نظر وزیردفاع راجناتھ سنگھ نے آج یہاں ایک میٹنگ میں چیف آف ڈفینس اسٹاف جنرل بپن راوت اور آرمی چیف منوج مکند نرونے کے ساتھ صورت حال کا جائزہ لیا ہے۔
فوج نے آج ایک بیان جاری کرتے ہوئے کہا تھا کہ وادی گلوان میں دونوں افواج کے درمیان پیچھے ہٹنے کے عمل کے دوران پیر کی شب پرتشدد جھڑپ پوئی جس میں ایک افسر اوردوجوان شہید ہوگئے۔

ذرائع کے مطابق مسٹر سنگھ نے فوج کی سینئر قیادت سے جھڑپ کے بارے میں تفصیلی معلومات حاصل کی اور آگے کے منصوبے پر تبادلہ خیال کیا۔میٹنگ میں اس واقعہ کے بعد پیدا صورت حال سے متعلق تمام پہلووں پر بات چیت کی گئی۔
فوج نے واضح کیا کے کہ جھڑپ میں دونوں اطراف کے فوجی ہلاک ہوئے ہیں۔لیکن انہوں نے چینی فوجیوں کے ہلاک ہونے کی تعداد کے تعلق سے کچھ نہیں کہا ہے۔فورس نے یہ بھی واضح کیا ہے کہ جھڑپ کے دوران فائرنگ نہیں ہوئی ہے