ٹرمپ اور الیزابیتھ کی کووڈ۔ 19 پر تعاون کے سلسلے میں بات چیت

واشنگٹن، یکم جولائی (اسپوتنک) امریکہ کے صدر ڈونالڈ ٹرمپ اور برطانیہ کہ ملکہ الیزابیتھ نے عالمی وبا کورونا وائرس سے نمٹنے کے لئے دونوں ممالک کے مابین تعاون پر بات چیت کی ہے۔ وائٹ ہاؤس کے ترجمان جوڈ ڈیرے نے منگل کو یہ اطلا دی۔ترجمان نے کہا کہ ’’صدر ٹرمپ اور ملکہ الیزابیتھ نے فون پر کورونا کے خلاف لڑائی میں باہمی تعاون اور عالمی معیشتوں کو بحال کرنے کی کوششوں پر تبادلہ خیال کیا۔ صدر اور مہارانی نے اس بات کو اعادہ کیا کہ امریکہ اور برطانیہ اس چیلنجنگ وقت کا سامنا کرنے کے بعد مزید مضبوط ہوکر ابھریں گے‘‘۔مسٹر ٹرمپ نے برطایہ میں کووڈ۔ 19 کے سبب مارے گئے لوگوں کی تئیں اظہار تعزیت بھی کیا۔

واضح رہے کہ عالمی وبا کورونا وائرس کا سامنا طور پر سامنا کررہے امریکہ میں اس کے انفیکشن سے 1.27 لاکھ سے زیادہ لوگوں کی موت ہوچکی ہے۔

امریکہ میں اس وبا نے شدید شکل اختیار کرلی ہے اور اب تک 26 لاکھ سے زیادہ افراد اس میں مبتلا ہوچکے ہیں۔ جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعداد و شمار کے مطابق، امریکہ میں کورونا سے اموات کی تعداد ایک لاکھ سے تجاوز کر کے 127286 ہوگئی ہے جبکہ متاثرہ افراد کی تعداد 26 لاکھ کو عبور کرکے 2628091 ہوگئی ہے۔ سی ایس ایس ای کے مطابق، برطانیہ میں اب تک کورونا انفیکشن کے 314159 واقعات کی تصدیق ہوچکی ہے جبکہ وبائی امراض کی وجہ سے 43815 افراد ہلاک ہوچلے ہیں۔