کورونا کی دوا کا انسانی تجربہ شروع ہونےسے جاگی علاج کی امید

چنڈی گڑھ،18 جولائی (یواین آئی)عالمی وبا کوویڈ -19 کی دوا کا ملک میں انسانی تجربہ شروع ہونا جہاں دہشت میں جی رہے عوام کےلئے راحت بھری خبر ہے وہیں اس بیماری کے مریضوں کو بھی علاج کی امید دکھائی دینے لگی ہے۔

ہریانہ کے وزیر صحت انل وج نے خود ٹویٹ کر کے یہ اطلاع دی ہے کہ ہندوستان بایوٹیک کے ذریعہ بنائی گئی اس دوا کا پی جی آئی روہتک میں جمعہ کو انسانی تجربہ شروع کیا گیا ہے۔
انہوں نے کہا کہ فی الحال یہ دوا تین لوگوں کو دی گئی ہے اور ابھی تک اس کا ان پر کوئی نامناسب اثر نظر نہیں آرہا ہے۔