بالی ووڈ کی کئی ہیروئنوں کو فلم میں ایکٹنگ کرنے کے لئے اتنی فیس نہیں ملتی جتنی سوناکشی سنہا کو ایک آئٹم نمبر کے لئے مل رہی ہے۔ آپ کو جان کر حیرانی ہوگی کہ صرف ایک آئٹم گیت کے لئے سوناکشی ڈھائی کروڑ کی موٹی رقم لے رہی ہیں۔ سوناکشی نے گانے کی شوٹنگ شروع کردی ہے گیت کو ریمو ڈیسوزا کوریو گراف کررہے ہیں۔ اس گیت میں سوناکشی نے جو کپڑے پہنے ہیں ان کی قیمت 75 لاکھ روپے بتائی جارہی ہے۔ ذرائع نے بتایا کہ اس گیت کو موسیقار ساجد واجد نے کمپوز کیا ہے۔ ایسا نہیں ہے کہ سوناکشی پہلی بار اتنی موٹی رقم لے کر آئٹم گیت کررہی ہیں۔ اس سے قبل بھی وہ ایک آئٹم نمبر کے لئے 6 کروڑ روپے لے چکی ہیں اس آئٹم نمبر کے لئے سوناکشی نے زبردست تیاری کی ہے ۔ فلم پروڈیوسر بونی کپور نے ایک انٹرویو میں دعویٰ کیا ہے کہ سوناکشی کا یہ گیت اب تک کا سب سے ہٹ آئٹم نمبر ثابت ہوگا۔ یہی نہیں انہوں نے یہاں تک کہا کہ سوناکشی جس بھی لائیو کنسرٹ میں اس گیت پر فارم کریں گی وہاں دھوم مچ جائے گی۔
