انگلینڈ اور پاکستان کے مابین پہلا ٹی ٹونٹی بارش کی وجہ سے غیر نتیجہ رہا

مانچسٹر ، 28 اگست (یواین آئی) انگلینڈ اور پاکستان کے مابین تین میچوں کی ٹی ٹونٹی سیریز کا پہلا میچ بارش کی نذر ہوگیا اور اسے منسوخ کرنا پڑا جس سے یہ مقابلہ بے نتیجہ رہا۔

پاکستان کے کپتان بابر اعظم نے ٹاس جیت کر پہلے گیند بازی کرنے کا فیصلہ کیا اور میزبان ٹیم کو بیٹنگ کی دعوت دی۔
انگلینڈ کی ٹیم نے اوپنر ٹام بینٹن کی شاندار نصف سنچری اننگز کی بدولت 16.1 اوورز میں چھ وکٹوں پر 131 رن بنائے تھے لیکن پھر بارش شروع ہوگئی اور میچ روکنا پڑا۔