لکھنؤ(نامہ نگار)سسرسے ہوئے تنازعہ کے بعد آج اس کی بہو نے خود پر مٹی کا تیل ڈال کر آگ لگا لی۔ سی او بازار کھالہ راج کمار اگروال نے بتایا کہ سنجے نگر میں رہنے والے سنتوش کی بیوی ۲۶سالہ پریم لتا کا اپنے سسر سے کسی بات پر تنازعہ ہو گیا تھا۔ رات کو ہوا تنازعہ اس وقت تو ختم ہو گیا تھا لیکن آج صبح پریم لتا نے خود پر مٹی کا تیل ڈال کر آگ لگا لی۔ موقع پر موجود لوگوں نے کسی طرح پریم لتا کے جسم میں لگی آگ کو بجھایا اور سنگین حالت میں اس کو سول اسپتال میں داخل کرایا۔
