برطانیہ میں کورونا متاثرین کی تعداد میں غیر متوقع اضافہ ،تقریباََ 3000 نئے کیسز

لندن ، 7 ستمبر (اسپوتنک) برطانیہ میں گذشتہ 24 گھنٹوں کے دوران کورونا وائرس کے انفیکشن کے 2988 نئے کیسز سامنے آئے ہیں ، جو کہ 22 مئی کو سامنے آئے 3،287 کیسز کے بعد اب تک کا سب سے زائد اضافہ درج کیا گیا ہے ۔

محکمہ صحت نے اتوار کے روز کے بتایا کہ کورونا وائرس سے متاثرہ افراد کی تعداد بڑھ کر 347،152 ہوگئی ہے جبکہ اس وبا سے ہلاک ہونے والوں کی مجموعی تعداد 41،551 ہوگئی ہے۔

برطانیہ کے سیاسی گلیاروں میں اتوار کے روز شائع ہوئی سرکاری رپورٹ نے ایک ہلچل پیدا کردی ، جس کے تناظر میں وزیر صحت میٹ ہین کاک نے اعتراف کیا کہ ’کورونا کے بڑھتے ہوئے کیسز‘ تشویشناک ہیں۔