سارہ علی خان، شردھا کپور، رکل پریت سے ہوگی ڈرگس کو لے کر پوچھ گچھ، این سی بی بھیجے گی سمن: ذرائع

نئی دہلی: بالی ووڈ اداکار سشانت سنگھ راجپوت کی موت کے بعد کے بعد اس پورے معاملے میں ڈرگس اینگل کی جانچ کر رہی نارکوٹکس کنٹرول بیورو (این سی بی) کی ٹیم نے اداکارہ ریا چکرورتی اور ان کے بھائی شووک چکرورتی کو گرفتار کرنے کے بعد اس معاملے سے جڑے اور لوگوں کو سمن بھیجنے کی تیاری شروع کر دی ہے۔

این سی بی کی پوچھ گچھ کے دوران ریا چکرورتی نے جن اداکاروں کا نام لیا ہے، اب انہیں جلد ہی این سی بی کے سامنے پیش ہونا پڑسکتا ہے۔ این سی بی کے ذرائع کے مطابق، جانچ ٹیم بہت جلد اس معاملے میں اداکارہ سارہ علی خان اور شردھا کپور سے پوچھ گچھ کرسکتی ہے۔
ڈرگس معاملے کی جانچ کر رہی نارکوٹکس کنٹرول بیورو کو جانچ کے دوران بالی ووڈ میں ڈرگس کنکشن کا پتہ چلا ہے۔ یہی نہیں اس معاملے میں پہلے سے گرفتار اداکارہ ریا چکرورتی اور کئی ڈرگس پیڈلر نے انکشاف کیا ہے کہ بالی ووڈ کی پارٹی میں ڈرگس چلتی ہے۔ اس معاملے میں اب این سی بی کی ٹیم کچھ اور لوگوں سے پوچھ گچھ کرنے کی تیاری کر رہی ہے۔ خبر ہے کہ این سی بی کی ٹیم پہلے اداکارہ سارہ علی خان اور شردھا کپور کو پوچھ گچھ کے لئے بلائے گی، اس کے بعد اداکارہ رکل پریت اور سیمون کوبھی پوچھ گچھ کے لئے سمن بھیجا جائے گا۔