دہلی کو شکست دے کر حیدر آباد نے اپنی پہلی جیت درج کی

ابوظہبی، 29 ستمبر (یو این آئی) سلامی بلے باز جانی بیئرسٹو (53) کی شاندار نصف سنچری اور افغانستان کے خطرناک لیگ اسپنر راشد خان (14 رن پر 3 وکٹ) شاندار گیند بازی کے دم پر سن رائزرس حیدرآباد نے منگل کے روز دہلی کیپیٹلس کو 15 رنوں سے شکست دے کر آئی پی ایل -13 میں پہلی جیت درج کی۔

حیدرآباد نے بیئرسٹو (53) کی نصف سنچری اور کپتان ڈیوڈ وارنر (45) اور کین ولیم سن (41) کی شراکت سے 20 اووروں میں چار وکٹوں پر 162 رنوں کا مشکل اسکور بنایا، اور اس کے بعد بالر بالخصوص راشد خان کی شاندار کارکردگی سے دہلی کو 20 اوور میں سات وکٹ پر 147 رنوں کے اسکور پر روک لیا۔