بلرامپور۔ (وارتا)۔ اترپردیش میں بلرامپور ضلع کے شہر حلقہ میں ایک مٹھائی کی دکان میں شارٹ سرکٹ سے لگی آگ سے تقریباً دو لاکھ کی املاک خاکستر ہو گئی۔ پولیس ذرائع نے آج یہاں بتایا کہ صبح شہر کے درمیان میں واقع رام مشٹھان بھنڈار نامی ایک دکان میں اچانک شارٹ سرکٹ سے آگ لگ گئی۔ دیکھتے ہی دیکھتے آگ نے خطرناک شکل اختیار کر لی۔ اطلاع ملنے پر موقع پرپہنچی فائر بریگیڈ ٹیم نے لوگوں کی مدد سے آگ پر قابو پایا۔
