لکھنؤ(نامہ نگار)پی جی آئی پولیس نے ایک گاڑی چور کو گرفتار کرتے ہوئے اس کے قبضے سے چوری کی ایک موٹرسائیکل برآمد کی ہے۔ سی او کینٹ ببیتا سنگھ نے بتایا کہ پی جی آئی پولیس نے گذشتہ شب چیکنگ کے دوران رمضان نگر تراہے کے نزدیک سے ایک بجاج موٹرسائیکل سوار نوجوان کو روکا۔ پولیس نے جب اس سے موٹرسائیکل کے کاغذات طلب کئے تو وہ ایک بھی کاغذنہیں پیش کر سکا۔ شک ہونے پر پولیس نے جب سختی سے پوچھ گچھ کی تو ملزم نے بتایا کہ مذکورہ موٹرسائیکل چوری کی ہے۔ پوچھ گچھ میں ملزم نے اپنا نام ورنداون کالونی کا منوج راوت بتایا۔ منوج مستقل طور سے اناؤ کا رہنے والا ہے اور وہ ٹیمپو ڈرائیور ہے۔
