پاکستان میں پیشاور کے مدرسے میں دھماکہ،متعدد جاں بہ حق اور زخمی

وزیراعلیٰ خیبرپختونخوا کے معاون خصوصی برائے اطلاعات کامران بنگش کا کہنا ہے کہ دھماکا دیر کالونی کوہاٹ روڈ پر واقع ایک مدرسے میں ہوا۔ دھماکے سے بچوں سمیت 7 افراد شہید جب 70 زخمی ہوئے۔

کامران بنگش کے مطابق پشاور اور کوئٹہ کے لیے جنرل تھریٹ الرٹ تھا۔ انہوں نے بتایا کہ ایک شخص مدرسے میں داخل ہوا، آئی ای ڈی نصب کی جس سے دھماکا ہوا۔ مشکوک شخص کو مدرسے میں داخل ہوتے دیکھا گیا۔

ایس پی سٹی کے مطابق مشکوک شخص صبح 8 بجے مدرسہ میں داخل ہوا جہاں طلبا موجود تھے۔ مدرسے میں بارودی مواد سے بھرا بیگ رکھا گیا تھا، دھماکا آئی ای ڈی سے کیا گیا۔

ترجمان لیڈی ریڈنگ اسپتال کے مطابق اب تک 7 افراد کی لاشیں اور 70 زخمیوں کو اسپتال لایا گیا ہے، زخمیوں میں کئی افراد کی حالت تشویش ناک ہے۔ اسپتال میں ایمرجنسی نافذ کردی گئی ہے جب کہ چھٹی پر گئے عملے کو بھی فوراً ڈیوٹی پر بلا لیا گیا ہے۔

Cctv footage of madrassa blast in #Peshawar .
Indian Activity on #BlackDayKashmir pic.twitter.com/RwbjNa7K6g

— Malik Ali Raza (@MalikAliiRaza) October 27, 2020

ریسکیو حکام کا کہنا ہے کہ زخمی ہونے والے 4 بچوں کی حالت تشویشناک ہے، زخمیوں میں زیادہ تر افراد جھلسے ہوئے ہیں، مدرسے میں 100 سے زائد بچے زیرتعلیم تھے۔

پولیس حکام کا کہنا ہے کہ دھماکے کے وقت بچے حصول تعلیم میں مصروف تھے، شہید اور زخمی بچوں کی شناخت کا عمل جاری ہے۔ سیکیورٹی اداروں نے علاقے کو گھیرے میں لے کر سرچ آپریشن جاری شروع کردیا ہے۔ علاقے کے داخلی اور خارجی راستوں کو سیل کردیا گیا ہے۔

شفقت ملک کا کہنا ہے کہ دھماکا کسی منظم گروپ کی کارروائی لگتا ہے، دھماکے میں ٹائم ڈیوائس استعمال کی گئی، جس میں اچھی کوالٹی کا دھماکا خیز مواد استعمال کیا گیا۔

ان کا کہان ہے کہ دھماکا خیز مواد میں چھرے بھی تھے، دھماکا خیز مواد ایک بیگ میں رکھا تھا،

اے آئی جی بم ڈسپوزل کے مطابق دھماکا خیز مواد میں ٹی این ٹی کا استعمال لگتا ہے، جس کے شواہد ٹیسٹ کے لیے لیب بھیجے ہیں، دھماکا مدرسے کے ہال میں ہوا، جس کی وجہ سے زیادہ پریشر پیدا ہوا اور نقصانات بھی۔
(بشکریہ جسارت)