مہاتما گاندھی کے پڑپوتڑ، ستیش دھوپیلیا کی کورونا وائرس سے موت، 3دن پہلے منائی تھی سالگرہ

 نیشنل ڈیسک: بابائے قوم مہاتما گاندھی کے پڑپوتڑ، ستیش دھوپیلیا کا کورونا وائرس سے متعلق پیچیدگیوں کے سبب یہاں انتقال ہوگیا۔ کنبہ کے ایک ممبر نے بتایا کہ وہ تین دن پہلے ہی 66 سال کے ہوئے تھے۔

دھوپیلیا کی بہن اما دھوپیلیا مسٹری نے تصدیق کی ہے کہ اتوار کے روز اس کے بھائی کی موت کووڈ19-سے متعلق پیچیدگیوں کی وجہ سے ہوئی ہے۔ انہوں نے یہ بھی بتایا کہ ستیش دھوپیلیا کو نمونیا ہو گیا تھا اور وہ تقریبا ایک ماہ سے سپتال میں زیر علاج تھے ، جب کہ وہ وہیںپر اس انفیکشن میں مبتلا ہو گئے تھے۔

اما نے سوشل میڈیا پر ایک پوسٹ میں کہا ، میرے پیارے بھائی تقریبا ایک مہینے سے نمونیا میں مبتلا تھے ، انہیں سپتال میں ایک اور انفیکشن ہوگیا تھا اور وہ علاج کے دوران کووڈ19- کا بھی شکار ہو گئے تھے۔ انہیں آج شام دل کا دورہ پڑا تھااور آج ہی انہوںنے توڑدیا ۔دھوپیلیا کے اما کے علاوہ ان کی ایک اور بہن ہے جس کا نام کیرتی مینن ہے۔ وہ جوہانسبرگ میں رہتی ہے۔تینوں بہن بھائی منی لال گاندھی کی اولاد ہیں۔

مہاتما گاندھی ، دو دہائیوں تک جنوبی افریقہ میں رہنے کے بعد ، ہندوستان میں اپنا کام جاری رکھنے کے لئے وطن واپس آئے تھے اور اپنے بیٹے منی لال کو یہاں چھوڑ گئے تھے ۔ دھوپیلیا نے اپنی زیادہ تر زندگی میڈیا میں بطور خاص ایک ویڈیو گرافر اور فوٹو گرافر کی حیثیت سے گذاری۔ وہ گاندھی ڈویلپمنٹ ٹرسٹ کے لئے بھی سرگرمی سے کام کر رہے تھے۔