فرانس میں کووڈ 19 سےہلاک شدگان کی تعداد 60 ہزار سے متجاوز

پیرس، 19 دسمبر (اسپوتنک) فرانس میں عالمی وباکورونا وائرس (کووڈ ۔19) سے ہلاک شدگان کی تعداد 60،229 سے تجاوز کرگئی ہے ، پچھلے 24 گھنٹوں کے دوران اس سے 264 مریض ہلاک ہوئے ہیں۔

خبررساں ایجنسی سانٹے پبلیکی نے جمعہ کے روز ایک رپورٹ میں کہا ہے کہ گذشتہ 24 گھنٹوں کے دوران ملک میں کوروناکے 15،674 نئے کیسز رپورٹ ہوئے ہیں۔ فرانس میں کورونا سے متاثرہ افراد کی تعداد بھی 25 لاکھ کے قریب پہنچ چکی ہے۔

فرانس کےصحت کے افسراعلیٰ جیروم سالومون نے پہلے کہا تھا کہ اس وبا کا لگاتار اضافہ انتہائی تشویشناک ہے۔ فرانس میں دوسری بار لاک ڈاؤن 30 اکتوبر سے نافذ کیا گیا تھا ، جسے منگل سے نائٹ کرفیو میں تبدیل کردیا گیا ہے۔