ممبئی (وارتا)بالی ووڈاداکارہ سنی لیون اپنی آنے والی فلم راگنی ایم ایم ایس۲ کیلئے ایکتاکپور سے ملی تعریف پر فخر محسوس کررہی ہیں۔ایکتانے سنی کو لیکر راگنی ایم ایم ایس ۲بنائی ہے جواب ریلیز ہونے جارہی ہے ۔ ایکتانے ابھی حال ہی میں کہا تھا کہ سنی ایک اچھی اداکارہ ہیں اور وہ سنی جیسی بہترین اداکارہ کے ساتھ کام کرکے فخر محسوس کرتی ہیں۔سنی نے کہا کہ ایکتا نے مجھے فون کیا تھا اورانھیںفلم کا کلائمکس بیحد پسند آیا تھا۔ ایکتاکو میری اداکاری پسند آئی تھی یہ میرے لئے فخر کی بات ہے ۔ سنی نے کہا کہ ناظرین مجھے سپورٹ کررہے ہیں اگرایسا نہیں ہوتا تو میں یہاں نہیںہوتی میں ناظرین کا شکر یہ اداکرنا چاہتی ہوں۔ واضح رہے کہ ایکتا کی فلم راگنی ایم ایم ایس۲ ؍۲۰۱۱میں آئی راگنی ایم ایم ایس کی سیکول ہے ۔بھوشن پٹیل کی ہدایت میںبنی اس فلم میں سنی لیون کے علاوہ دیویادتہ ، سندھیامردول اورپروین ڈباس کابھی اہم کردار ہے یہ فلم ۲۱؍مارچ کو ریلیز ہوگی۔
