کانپور (نامہ نگار)شیوراج پورتھانہ علاقہ میں لوٹ کی کوشش میں بدمعاش کو پولیس نے گرفتار کرلیا۔ بدمعاش کے قبضہ سے پولیس نے طمنچہ اور کارتوس برآمد کرکے اسے جیل بھیج دیا۔کل دیر رات درگاپور گاؤں میں پولیس میں گشت کے دوران تین نوجوانوں کو دیکھا پولیس کو قریب آتاہوادیکھا کر نوجوان بھاگنے لگا لیکن پولیس نے گھیراؤ کرکے نوجوانوں میں سے ایک کو گرفتار کرلیا جبکہ اس کے دیگر ساتھی اندھیرے کا فائدہ اٹھا کر فرار ہونے میں کامیاب ہوگئے۔ جامہ تلاشی کے دوران پولیس نے نوجوان کے قبضہ سے تین سو پندرہ بور کا ایک طمنچہ اور کارتوس برآمد کئے۔ پوچھ گچھ کے دوران نوجوان نے اپنا نام بٹھور کے پپریا گاؤں کا باشندہ کلوبتایا ۔ ملزم نے راہ گیروں کو لوٹنے کا اقبال جرم کرلیاہے۔ پولیس نے ملزم کو جیل بھیج دیاہے۔
