جو بائیڈن نے حلف اٹھالیا، 46 ویں امریکی صدر بن گئے

جو بائیڈن نے امریکا کے 46 ویں صدر کے عہدے کا حلف اٹھالیا۔ وزیراعظم عمران خان نے جو بائیڈن کو امریکی صدارت کا عہدہ سنبھالنے پر مبارکباد دی ہے۔

کیپٹل ہل میں ہونے والی حلف برداری تقریب میں کملا ہیرس نے نائب صدر کے عہدے کا حلف اٹھایا۔

ڈونلڈ ٹرمپ کے 4 سالہ صدارت کا خاتمہ ہوگیا، نئے صدر جو بائیڈن نے امریکا کی باگ ڈور سنبھال لی۔

The India-US partnership is based on shared values. We have a substantial and multifaceted bilateral agenda, growing economic engagement and vibrant people to people linkages. Committed to working with President @JoeBiden to take the India-US partnership to even greater heights.

— Narendra Modi (@narendramodi) January 20, 2021

اپنے پہلے صدارتی خطاب میں جو بائیڈن نے کہا کہ آج امریکہ اور جمہوریت کا دن ہے، آج جمہوریت کامیاب ہوئی ہے، میں امریکی آئین کی طاقت پر یقین رکھتا ہوں۔

Congratulations to @KamalaHarris on being sworn-in as @VP. It is a historic occasion. Looking forward to interacting with her to make India-USA relations more robust. The India-USA partnership is beneficial for our planet.

— Narendra Modi (@narendramodi) January 20, 2021

ان کا کہنا تھا کہ جو میرےخلاف ہیں، اُن سےکہنا چاہتا ہوں مجھ سے بات کریں، پھر بھی مجھ سے اختلاف ہو تو یاد رکھیں یہی جمہوریت کی خوبصورتی ہے۔

جو بائیڈن نے کہا کہ میں اہل امریکا کو یقین دلاتا ہوں کہ میں سب کا صدر ہوں،اُن کا بھی صدر ہوں جنہوں نے میرے خلاف ووٹ دیا۔

انہوں نے کہا کہ میں اپنی بہترین کارکردگی کا مظاہرہ کروں گا، میں آپ سب کے لیے کام کروں گا، خدا امریکا اور امریکی فوج کی حفاظت کرے۔

تقریب کےد وران 25 ہزار نیشنل گارڈز تعینات کیے گئے جبکہ انتہاپسندوں سے تعلق کے شبے میں 12 نیشنل گاردز کو ہٹادیا گیا۔

صدارتی حلف برداری کے دوران بعض مقامات پر سڑکیں بھی بند کردی گئیں۔

کورونا وائرس اور سیکیورٹی خطرات کے باعث عوام کو تقریب میں شرکت روک دیا گیا تھا، 2 لاکھ امریکیوں کی نمائندگی جھنڈوں سے کی گئی۔