جے پور میں اچانک سڑک دھنسنے سے ایک خاتون سمیت دو افراد زخمی

جے پور، 23 جنوری (یو این آئی) راجستھان کے دارالحکومت جے پور میں چَومو ہاؤس چوراہے کے پاس آج صبح اچانک سڑک دھنس جانے کے سبب اس میں ایک آٹو گر گیا اور ایک خاتونن سمیت دو افراد زخمی ہو گئے۔

موصولہ اطلاعات کے مطابق یہ حادثہ صبح تقریباً چھ بجے ہوا جب یہ خاتون سندھی کیمپ بس اڈے سے آٹو میں بیٹھ کر اپنے گھر جا رہی تھی کہ چَومُو ہاؤس کے پاس پہنچتے ہی سڑک کا ایک حصہ اچانک دھنس گیا اور ان کا آٹو سڑک دھنسنے کی وجہ سے بنے گڈھے میں جا گرا۔

وہاں گذرنے والے دوسرے لوگوں نے حادثے کی اطلاع پولیس کو دی اور موقع پر پہنچی پولیس نے حادثے میں زخمی اور آٹو ڈرائیور کو اسپتال پہنچایا۔