پرتاپ نگر میں واقع کاسمیٹک فیکٹری میں آتشزدگی

نئی دہلی ، 27 فروری (یواین آئی) ہفتہ کو علی الصبح شمالی دہلی کے علاقے پرتاپ نگر میں ایک کاسمیٹک فیکٹری میں آگ لگ گئی۔

فائر بریگیڈ کے ایک افسر نے بتایا کہ صبح تقریبا 3 بجکر 47 منٹ پر اس آتشزدگی کی اطلاع ملی ، جس کے بعد فائر بریگیڈ کی 18 گاڑیاں موقع پر بھیجی گئیں ۔

کئی گھنٹوں کی مشقت کے بعد نو بجے تک آگ پر مکمل طور پر قابو پالیا گیا۔ ابھی تک آگ لگنے کی وجہ معلوم نہیں ہوسکی ہے۔
انہوں نے بتایا کہ اس واقعہ میں کسی جانی نقصان کی اطلاع نہیں ہے۔