دہلی میں شاہی جامع مسجدپر مرتد وسیم معلون کے خلاف شیعوں اور سنیوں کا مشترکہ احتجاجی مظاہرہ
نماز جمعہ کے بعد مولانا کلب جواد نقوی مظاہرین کے ساتھ باہر نکلے اور مسجد کی سیڑھیوں پر صحافیوں سے خطاب کیا۔انہوں نے کہاکہ وسیم رضوی ہندوستان دشمن طاقتوں کا آلۂ کار ہے ،اس نے ملک میں دہشت گردی اور فساد کو فروغ دینے کے لیے ملک دشمن عناصر کے اشارے پر سپریم کورٹ میں یہ عرضی داخل کی ہے ۔اس لیے سرکار کو اس کی جانچ کرانی چاہیے اور سپریم کورٹ کو اس کی عرضی خارج کرتے ہوئے اس پر بھاری جرمانہ عاید کرنا چاہئے ۔کیونکہ ہندوستان کثیر المذاہب ملک ہے ۔ہر مذہب کی اپنی الہامی کتاب ہے خواہ ہو گیتا ہو،بائبل ہو،گروگرنتھ ہو یا دیگر کتابیں ہوں ۔اگر سپریم کورٹ نے اس عرضی کو خارج نہیں کیا تو مذہبی کتابوں کی پابندی اور ان میں تحریف کے مطالبہ کا سلسلہ شروع ہوجائے گا جو ملک کی سالمیت اور بھائی چارے کے لیے خطرناک ثابت ہوگا۔مولانانے کہاکہ قرآن کی حفاظت کی ذمہ داری اللہ نے لی ہے اس لیے کوئی مردود او رغلیظ انسان اس میں تحریف نہیں کرسکتا۔مولانانے کہاکہ ہمیں با وثوق ذرائع سے اطلاع ملی ہے کہ وسیم رضوی کچھ دنوں پہلے نیپال گیا تھا جہاں اس نے چینی اور پاکستانی ایجنٹوں سے ملاقات کی تھی ،اس کے بعد اس نے سپریم کورٹ میں یہ عرضی داخل ہے کی ہے اس لیے اس کی جانچ ہونی چاہیے ۔مولانانے سپریم کورٹ سے مطالبہ کیاکہ وسیم رضوی پر این ۔ایس۔اے۔لگاکر گرفتار کیا جائے اور جیل بھیجاجائے ۔مولانانے شیعہ و سنی اتحاد کی اہمیت پر زور دیتے ہوئے کہاکہ وسیم رضوی شیعوں اور سنیوں میں اختلاف پیداکرنا چاہتا تھا مگر اس کی اس حرکت کے خلاف اب شیعہ و سنّی متحدہیں اور آگے بھی اتحاد کا مظاہرہ کریں گے ۔مولانانے کہاکہ وسیم بہت پہلے سے شیعہ وسنّی فساد کرانے کی فکر میں تھا ،اس سے پہلے اس نے ام المومنین کا قابل اعتراض ٹریلر اور فوٹو ریلیز کیا تھا تاکہ فساد ہوجائے مگر اس کی سازش ناکام ہوگئی تھی ۔اس کے بعد اس نے قرآن سے 26 آیات ہٹانے کا مطالبہ کیا تاکہ شیعوں اور سنیوں کے درمیان جھگڑا ہوجائے مگر اس کا حربہ الٹ گیا اور آج شیعہ و سنی ایک ہیں ۔مولانا کلب جواد نقوی نے بتایاکہ ہم نے شاہی امام مولانا احمد بخاری کو لکھنؤ آنے کی دعوت دی ہے تاکہ لکھنؤ میں تاریخی عظیم الشان احتجاجی اجلاس منعقد کیا جاسکے ۔انہوں نے ہماری دعوت قبول کی ہے ۔عنقریب لکھنؤ میں تحفظ حرمت قرآن کے لیے تاریخی جلسہ منعقد کیا جائے گا تاکہ اس کو اس کے انجام تک پہونچایا جائے ۔مولانانے کہاکہ شیعہ و سنی علماء نے مشترکہ طورپر اعلان کیاہے کہ وسیم رضوی مرتدہے اس لیے کسی مسلمان قبرستان میں اس کی تدفین نہیں ہوسکتی اور نہ کوئی مسلمان مولوی اس کی نماز جنازہ پڑھاسکتاہے ۔
اس شعر کو پڑھتے ہوئے انہوں نے کہاکہ اسلام دشمن طاقتیں ہمیشہ اس طرح کی حرکتیں کرتی رہی ہیں مگر انہیں کبھی کامیابی نہیں ملی ۔بہت جلد وہ طاقتیں بے نقاب ہوجائیں گی جو وسیم رضوی کی حرکت کے پیچھے ہیں ۔مولانانے کہاکہ حرمت قرآن کے تحفظ کے لیے تمام شیعہ و سنی ایک ہیں اور اس کی گرفتاری کی مانگ کرتے ہیں ۔
مولانا شیخ محمد عسکری ،مولانا مظہر غازی اور مولانا امیرحسنین نے وسیم رضوی کی مذمت کرتے ہوئے سرکار سے اس کی گرفتاری کی مانگ کی ۔
About the author
