یو پی اتراکھنڈ کی بی جے پی حکومتوں کے دعوے حقیقت سے دور: مایاوتی

لکھنو: بہوجن سماج پارٹی (بی ایس پی) سپریمو مایاوتی نے کہا کہ اترپردیش اور اتراکھنڈ میں بھارتیہ جنتا پارٹی حکومتوں کے چار برس مکمل ہونے پر کئے جارہے دعوے حقیقت اور عوامی مفاد سے کافی دور ہیں۔

محترمہ مایاوتی نے جمعہ کو ایک کے بعد ایک ٹوئٹ کے ذریعہ یو پی، اتراکھنڈ کی بی جے پی اور پنجایت کی کانگریس حکومتوں پر طنز کیا۔

انہوں نے کہا کہ یو پی میں بی جے پی حکومت کے چار برس مکمل ہونے پر کافی پیسہ خرچ کرکے بڑے بڑے اشتہارات اور پریس مذاکرات کے ذریعہ جو حصولیابیاں حکومت کی طرف سے گنائی جارہی ہیں ان میں سچائی بہت کم ہے اگر سرکاری دعوے زمینی حقیقت میں غریب عوام کو فائدہ پہنچاتے تو زیادہ اچھا ہوتا۔