گونڈا میں گیس ریفلنگ کرتے سلنڈر میں لگی آگ ، تین دکانیں جل کر خاکستر

گونڈا : اترپردیش میں ضلع گونڈا کے عمری بیگم گنج علاقے میں گیس ریفلنگ کرتے وقت رساؤ سے آج لگی آگ میں تین دوکانوں میں رکھا سامان جل کر خاکستر ہو گیا ۔

ضلع مجسٹریٹ مارکنڈے شاہی نے اتوار کے روز بتایا کہ ادم پور گاؤں میں بابو عرف سکھ دیو نامی ایک دکاندار غیر قانونی طور پر ایل پی جی گیس سلنڈروں سے پیٹرومیکس سلنڈروں میں گیس ری فل کررہا تھا۔
اچانک رساو کے باعث سلنڈر میں آگ لگ گئی اور آگ سے دکان میں رکھے پانچ سلنڈر پھٹ گئے ، جس سے آگ نے خوفناک شکل اختیار کرلی اور ہمسایہ کی دو دکانوں میں رکھا سامان جل کر خاکستر ہوگیا۔