اترپردیش :جون پورمیں سڑک حادثہ، تین محنت کشوں کی موت

جون پور، 12 اپریل ( یواین آئی) اتر پردیش کے ضلع جون پورکےعلاقہ جلال پور میں سرکونی روڈ پر اتوار کی شب دیر رات ایک کار اور ایک رکشہ کی ٹکر میں 3 محنت کشوں کی موت ہوگئی جبکہ دو زخمی ہوگئے۔

پولیس کے مطابق جون پور سے وارانسی کی طرف جارہی ایک کار اتوار کی رات 12 بجے کے بعد سرکونی روڈ پر ای رکشہ سے ٹکرا گئی، جس سے ای رکشہ پر سوار تین مزدوروں کی موت ہوگئی جبکہ دو افراد زخمی ہوگئے۔
مرنے والوں کے نام روندر کمار، سبھاش یادواور پرویش یادو ہیں۔