ممبئی(وارتا)بالی ووڈکی بولڈ اداکارہ کٹرینہ کیف اپنی آنے والی فلم فینٹم میں زبردست ایکشن کرتی نظرآئیں گی۔کٹرینہ کیف ان دنوں کبیر خان کی ہدایت میں بن رہی فلم فینٹم میں کام کررہی ہیں۔ فینٹم میں کٹرینہ کیف کے اپوزٹ سیف علی خان ہیں۔بتایا جاتا ہے کہ کٹرینہ کیف اس فلم میں زبردست ایکشن کرتی نظرآئیں گی۔ فینٹم میںاپنے ایکشن مناظر کیلئے کٹرینہ سخت محنت کررہی ہیں۔ فینٹم کی شوٹنگ دہلی میں ہورہی ہے اورکٹرینہ صبح چاربجے سے ہی اٹھ کر جم میں ورک آئوٹ کرتی ہیں۔ کٹرینہ نے اس سے قبل ایک تھا ٹائیگراوردھوم۳ میں بھی کئی ایکشن مناظر کئے تھے۔ جب کہ انھوں نے زندگی نہ ملے گی دوبار میں موٹرسائیکل چلائی تھی۔ بالی ووڈ میں اداکار ہو یا کوئی اداکارہ فٹنس کے معاملے میں کوئی سمجھوتہ نہیں کرتا یہی کچھ ہوا ہے کترینہ کیف کے ساتھ جنہوں نے اپنی فٹنس برقرار رکھنے کے لئے نیندیں بھی حرام کرلی ہیں ۔ہندوستانی میڈیا کے مطابق کٹرینہ کیف ان دنوں ریتک روشن کے ساتھ فلم ’بینگ بینگ‘ کی شوٹنگ میں بہت مصروف ہیں، سخت شوٹنگ شیڈول کی وجہ سے انہیں جم جانے کا وقت ہی نہیں مل رہا اور تو اور فلم میں انہیں بہت سے ایکشن سین بھی خود ہی کرنے ہیں، جس کی وجہ سے انہیں دہری پریشانی نے گھیر لیا ہے۔
