اکشے کمار ان دنوں بحث سے باہر نظر آتے ہیں اور ان کی مقبولیت میں بھی کافی کمی دیکھی جا رہی ہے ۔ ایسے میں انہیں اپنی آنے والی فلم ’ہالی ڈے‘ سے کافی امیدیں ہیں ۔ انہیں لگتا ہے کہ یہ فلم ان کاکھویا ہوا مقام واپس دلا سکتی ہے ۔ اگرچہ اکشے کمار کی گزشتہ کچھ فلمیں سو کروڑ کا بزنس کرنے میں کامیاب رہی ہیں لیکن انہیں ایک عمدہ انٹرٹینر کے طور پر ثابت کرنے میں ناکام رہی ہیں ۔ ایسے میں اکشے کمار کے لئے ہالی ڈے ایک موقع ہے جس سے وہ اپنا مقام حاصل کر سکتے ہیں ۔ لیکن سب سے سخت امتحان ان کے لئے اجے دیوگن کی فلم ’ایکشن جیکسن ‘ ہے جو ہالی ڈے کے ساتھ ہی منظر عام پر ہوگی ۔ اجے دیوگن کی فلم ایکشن جیکسن کو ڈائریکٹ کیا ہے پر بھودیوا نے ۔ اس طرح ہالی ڈے میں روڑاثابت ہو سکتی ہے ایکشن جیکسن ۔ دو بڑے اسٹار کی فلموں کا ایک ساتھ منظرعام پر آنا ایک دوسرے کو متاثر کرتا ہی ہے ۔ کون فلم کس کو متاثر کرتی ہے اس کا پتہ فلموں کے منظرعام پر آنے کے بعد ہی معلوم ہوگا ۔ لیکن اس معاملے کو لے کر اکشے کمار کافی فکر مند لگ رہے ہیں ۔ ان کا خیال ہے کہ ایک ہی دن دو بڑے اسٹارس کی فلمیں ریلیز کرنا گھاٹے کا سودا ہے ۔
