مہاراشٹر میں ڈیلٹا پلس کا خوف، کورونا پابندیاں سخت کردی گئیں

اورنگ آباد / ممبئی ، 28 جون (یو این آئی) ریاست مہاراشٹر نے کورونا وائرس کے ڈیلٹا پلس ویریئنٹ اور ریاست میں تیسری لہر کی انتباہ کے پیش نظر پیر سے کووڈ-19 کی پابندیاں سخت کردی ہیں۔

ذرائع نے بتایا کہ آج سے ریاست کے 33 اضلاع میں تین درجہ کی پابندیاں نافذ کی گئی ہیں۔
انہوں نے کہا کہ ان اضلاع میں تمام دکانیں اور خدمات ہفتہ اور اتوار کو مکمل طور پر بند رہیں گی۔
ریاست میں اسکول ، کالج اور کوچنگ کلاسز بند رہیں گے لیکن آن لائن تعلیم کی اجازت ہوگی۔
ذرائع نے کہا کہ ریاست میں دھرنے ، احتجاج ، ریلیوں اور بھوک ہڑتالوں پر مکمل پابندی ہوگی اور تمام مذہبی مقامات بند رہیں گے۔